एक महिना भन्दा बढी भइसक्दापनि घाइतेलाई क्षतीपुर्ती नदिएको गुणासो

महेन्द्रनगर,
धनुषा क्षिरेश्वरनाथ नगरपालिका महेन्द्रनगर कुम्हरौल चौकमा बसको ठक्करबाट घाईते भएकालाई एक महिना भन्दा बढी भइसक्दापनि घाइतेको उपचारको लागी क्षतीपुर्ती नदिएको गुणासो गरेका छन । जनकपुर ढल्केवर सडक खण्ड कुम्हरौल चौक स्थित मिति २०७८ पुस ११ गते जनकपुर तर्फ जाँदै गरेको ज १२ प ३९९६ नम्बरको मोटरसाईकललाई कुम्हरौलबाट महेन्द्रनगर तर्फ आउँदै गरेको ज १ क २९५ नम्बरको स्कुल बस मोटरसाईकललाई ठक्कर दिँदा मोटरसाईकलमा सवार क्षिरेश्वरनाथ नगरपालिका १० हारसर बस्ने अन्दाजी वर्ष ४० का इसराइल कवारी र पछाडी सवार उहाँको पत्नी जइसुन खातुन घाइते भएको थियो । गरिब परिवारका कवारी र खातुनलाई गाउँवाट चँन्दा संकलन गरी उपचार भइरहेको छ भने अहिले सम्म बस मालिक कुनै क्षतीपुर्ती नदिएको घाइते कवारीका भाई रसुल कवारीले आफनो दुःखेसो पोखेका छन । घाइते परिवारका अनुसार ईलाका प्रहरी कार्यालय महेन्द्रनगरमा जाँदा पनि आजभोली गर्दा गर्दौ यतिका दिन भएपनि कुनै सुनवाई नभएको बताए ।

प्रतिक्रिया

सम्बन्धित खवर

ताजा समाचार

लोकप्रिय