महेन्द्रनगर,
धनुषा क्षिरेश्वरनाथ नगरपालिका महेन्द्रनगर स्थित तेली कल्याण सामाज नेपालको क्षेत्रीय कुल पुज्नोत्सव सम्पन्न भएको छ । क्षीत्रीय कुल पुजा समिति महेन्द्रनगरका अध्यक्ष ललित साहको अध्यक्षता र आन्तरिक मामिला तथा संचार मन्त्री भरत प्रसाद साहको प्रमुख आतिथीयमा भव्य तेली समाजको उपस्थितीमा कार्यक्रम सम्पन्न गरिएको छ ।
कार्यक्रममा उपस्थित प्रमुख अतिथी साह महेन्द्रनगर स्थित भव्य रुपमा आयोजना गरेको क्षेत्रीय कुल पुज्नोत्सवले तेली समाजलाई एक अर्काप्रतिको आपनत्व बढाएकोले आयोजकलाई धन्यवाद दिएका थिए । साथै कार्यक्रममा उपस्थित विशिष्ठ अतिथी अरविन्द साह लगायतका वक्ताहरु विभिन्न क्षेत्रमा तेली जातीका कुनै व्यक्ति अगाडी बढिरहेको छ भने सबैलाई एक साथ भएर सहयोग गर्नुपर्ने आवश्यकता रहेको वताउनु भयो ।
कार्यक्रममा भु.पु. जिल्ला सभापती राम चरित्र साह, तेली कल्याणका केन्द्रिय वरिष्ठ उपाध्यक्ष जगदेव साह, जिल्ला अध्यक्ष लक्ष्मी साह, उपाध्यक्ष श्याम साह, सचिव राजेन्द्र प्रसाद साह, केन्द्रिय सदस्य श्याम बावु साह, जनकपुर धर्मशला अध्यक्ष राम किशोर साह, भु.पु.केन्द्रिय अध्यक्ष राम देव साह, क्षीरेश्वरनाथ नगर कमिटि अध्यक्ष उमा साह, क्षेत्रीय कुल पुजा समिति उपाध्यक्ष सुरेश साह, सचिव अशोक साह, कोषाध्यक्ष काली प्रसाद साह लगायतका अतिथीहरुको उपस्थिती रहेको थियो ।
सुखारी साह धर्मशला स्थित पुजा स्थलबाट विहान करिब १० बजे बाजा गाजा सहित निस्केको कलश यात्र दुधमती नदिमा जल भरी पुन्ह पुजा स्थल पुगेका थिए । तेली समाजका अगुवाहरु प्रत्येक वर्ष धुमधामका साथ मनाउँदै आएको पुजा गत वर्ष कोरोणको कारण प्रभावित भएपनि यो वर्ष पुन्ह धुमधामका साथ आयोजना गरेको समितिका अध्यक्ष ललित साहले बताए ।
कार्यक्रमको उदघोष समितिका सचिव अशोक साह द्धारा गरिएको थियो । कार्यक्रममा उपस्थित विभिन्न गाउँ गाउँ नगरपालिकाबाट उपस्थित कमिटिका प्रतिनिधिहरुलाई दोस्सला उढाई स्वागत सम्मान गरिएको थियो । साथै कार्यक्रममा उपस्थित व्यक्तिहरुलाई मिथिलाको माटी पानी सँग सम्बन्धीत गितहरुमा नितृय प्रस्तुत गरिएको थियो ।
