महेन्द्रनगर,
धनुषा क्षिरेश्वरनाथ नगरपालिका आ.व.२०७८÷०७९ मा प्रधानमन्त्री कृषि आधुनिकीकरण परियोजना द्धारा संचालित माछाको पकेट विकास कार्यक्रम अन्तर्गत ५०% अनुदानमा मोटर वितरण गरिएको छ ।
क्षिरेश्वरनाथ नगरपालिका पशु सेवा शाखाको आयोजनमा संचालित कार्यक्रममा नगर प्रमुख सुखदेव यादवको उपस्थितीमा ३५ ओटा मोटर वितरण गरिएको छ । कार्यक्रममा उपस्थित नगर प्रमुख यादव क्षिरेश्वरनाथ नगरपालिका भित्र बसोवास गर्ने धेरै व्यक्ति कृषि पेशामा लागेका छन किसानहरुको उत्थानका लागी के गर्नुपर्छ तँपाईहरुकै सुझाव सल्लाह अनुसार अगाडि बढने प्रतिवद्धता जनाउनु भएको थियो ।
कार्यक्रममा क्षिरेश्वरनाथ नगरपालिका वडा नं. ८ का वडाअध्यक्ष मोद कुमार महतो (मोदी), निवर्तमान वडाअध्यक्ष अशेश्वर महतो, नेकपा एमाले नगर कमिटि उपाध्यक्ष अनिल चौधरी लगायतका व्यक्तिहरुको उपस्थिती रहेको थियो ।
