महेन्द्रनगर,
आज राष्ट्रिय बाल दिवस को अवसर पारेर धनुषा क्षिरेश्वरनाथ नगरपालिका महेन्द्रनगर स्थित रहेको गंगोत्री बोडिङ्ग स्कुल विभिन्न जनचेतना मुलक प्लेकार्ड सहित नगर परिक्रमा गर्दै ५८ औं बाल दिवस मनाएको छ । “गहना जेवर रुप सृंगार, शिक्षा विना सब बेकार” “सुखी नेपाली समृद्ध नेपाल, बालअधिकार सबै को सरोकार” लगायतको नारा लेखिएको प्लेकार्ड सहित निस्केको विद्यार्थीको ¥याली नगरको क्षिरेशवर चौक, हनुमान चौक र सखुवा चौक लगायतको परिक्रमा गरेको थियो ।
यस सम्बन्धमा प्याब्सन मधेश प्रदेशका सचिब एंव गंगोत्री बोडिङ्ग स्कुलका प्र.अ. गणेश साह ५८ औं राष्ट्रिय बाल दिवसको शुभकामना दिदैँ हाम्रो समाज बालअधिकारको सम्बन्धमा सम्वेदन शिल हुन जरुरी छ । अहिले पनि ठाउँ ठाउँमा विद्यालयको अभाव, विद्यालय भएपनि शिक्षकको पदपुर्तीको अभाव जस्तो समस्या देखिएको कारण यस प्रति सरोकारबाला निकायहरुलाई ध्यान दिन जरुरी छ । त्यस्तै बाल अधिकारको विषयमा सरोकारवाला निकाय, संघ संस्था द्धारा विभिन्न किसिमको जनचेतना मुलक कार्यक्रम गरेपनि त्यो कार्यक्रममा मात्र सिमित देखिएको छ । कार्यक्रमबाट के उपलब्धी भयो त्यसको कुनै मुल्याङ्कन गरेको पाइदैन ।
नेपालले बालअधिकारसम्बन्धी महासन्धि १९८९ लाई १४ सेप्टेम्बर १९९० मा अनुमोदन गरेर बालबालिकाको विकास, बालअधिकारको संरक्षण र बालसहभागिता जस्ता विषयमा आफ्नो अन्तर्राष्ट्रिय प्रतिबद्धता प्रकट गरेको दिनकै अवसरमा हरेक वर्ष भदौ २९ गते राष्ट्रिय बाल दिवस मनाउँदै आएको छ ।
