महेन्द्रनगर,
धनुषाको एक दुईटै किडनी फेल भएका पिडित परिवारलाई वैदेशिक रोजगारीमा गएका नेपालीहरु द्धारा आर्थिक सहयोग गरेको छ । धनुषाधाम नगरपालिका ५ पर्वताका करिब ३५ वर्षिय शिवनाथ महतो करिब ४ साल देखि दुवै किडनी फेलका कारण अस्पतालमा उपचाररत रहेका छन । आर्थिक अवस्था कमजोर रहेको परिवारलाई वैदेशिक रोजगारीमा मलेसियाको जोरवारु स्थित रामा टेक्स कम्पनीमा कार्यरत सोही ठाउँका स्थानिय संजय कुमार महतोको पहलमा उक्त कम्पनीमा कार्यरत नेपालीहरु द्धारा ६५ हजार सहयोग गरेको छ । कम्पनीमा कार्यरत विशेष सहयोगी नवल किशोर महतो, संजय महतो, दिनेश कुमार यादव, मंदिप महतो, ब्रहमदेव सिंह, असेश्वर शर्मा, राजु कटवाल र उतम थापा द्धारा पठाइएको रकम क्षिरेश्वरनाथ नगरपालिका मेयर प्रत्यासी शिवशंकर प्रसाद सिंहको हाथबाट पिडित परिवारलाई हस्तान्तर गरिएको छ । आर्थिक सहयोग पाएका पिडित परिवार प्रत्यक्ष र अप्रत्यक्ष रुपमा सहयोगी हाथहरुलाई धन्यवाद दिंदै उपचारमा ठुलो रकम आवश्यक परेकोले इच्छुक सहयोगीहरुलाई थप रकम उपलब्ध गराईदिनुहुन अनुरोध गरेको छ ।