महेन्द्रनगर,
धनुषा क्षिरेश्वरनाथ नगरपालिका महेन्द्रनगर स्थित रहेको ईलाका प्रहरी कार्यालय महेन्द्रनगरको थुनुवा कक्षबाट ६ जना फरार भएका छन ।
विभिन्न अपराधी घटनामा पक्राउ परेका ७ जना मध्य ६ जना फरार भएको प्रहरीले जनकारी दिएका छन । फरार हुनेमा विनोद कुमार शर्मा,अमित मण्डल,रोशन यादव ,हरिवित सिंह , रोशन महतो र शंकर सिंह रहेको छ ।
क्षिरेश्वरनाथ नगरपालिका महेन्द्रनगर विच बजारमा रहेको ईलाका प्रहरी कार्यालयको थुनुवा कक्षबाट आइतवार राति करिब १ बजे थुनुवा कक्ष भित्र रहेको टोइलेटमा लागेको स्टिलको चौकटले देवाल फोरेर फरार भएको प्रहरीले जनकारी दिएका छन । फरार भएकाहरुलाई सोमवार विहानै देखि डगटोली प्ररिचाल गरी खोजी गरिरहेको छ भने थप अनुसन्धान भइरहेको छ ।
